Ables (Llanera, Asturias)

31 diciembre 2004

 

Cuno Corquera (1918/2002), escritor de Ables

Seudónimo de D. Secundino Hevia Rodríguez. Nació el 3 de marzo de 1918 en Ables (Llanera, Asturias). Fundó y animó grupos de teatro costumbrista durante los años 40 y 50. En aquel tiempo empieza a escribir en asturiano siguiendo modelos de autores como Teodoro Cuesta o el su contemporáneo Antonio García Oliveros. Desde entonces participaría en numerosas actividades públicas: recitales, pregones, tertulias y fiestas privadas.

En 1993 el Concejo de Llanera y la Consejería de Cultura publican "Cuentos,cuentiquinos y poemes", con la poeta Esther Prieto a cargo del prólogo y la edición. Se trata de una recopilación de poemas y monólogos de carácter humorístico e ingenioso, al estilo de la poesía en asturiano más popular antes del resurgimiento.

BIBLIOGRAFÍA

Creación

Corquera, Cuno
CUENTOS, CUENTIQUINOS y POEMES
Edición e introducción d’Esther Prieto. Llanera
Ayuntamiento de Llanera, 1993. — 176 p. ; 24 cm.
ISBN 84-88034-21-0

Bibliografía

Prieto, Esther
Introducción a: "Cuentos, Cuentiquinos y Poemes".
Ayuntamiento de Llanera, 1993, pp. 7–11.
ISBN 84-88034-21-0

González Rodríguez, Abel / García Ordoñez, Nieves
Artículo “Cuno Corquera, asturianista”, pp.46-50.
Libro “HISTORIAS VIVIDAS, HISTORIAS CONTADAS”.
Llanera Ediciones
ISBN 84-609-3527-2

------------------------------------------------------------------
ANTOLOGIA
SUFRIMIENTOS DE MANOLÍN

Soi Manolin el pequeñu,
trabayo nes carreteres,
gústame muncho’l vinín
y muncho más les muyeres.

Pero por desgracia mía
o por mor de la estatura,
empiezo mui bien con toes
y nun fino con denguna.

Tuvi una na Cuesta d’Hevia,
bona moza y bona raza
y rechazóme enseguida
porque ella yera más alta.

De clase nun yera mala,
nun debe tar mui represa
pos según los que lo entienden,
yera de raza holandesa.

Y puede que sea verdá,
pos al baillar l’agarráu,
yo ¡mianiques! —y paecía
que taba baxo un teyáu.

Yo nun tuvi más remediu
qu’acepta–y la negación
y mirar si n’otru sitiu
atopaba otra ocasión.

Y atopela de verdá
y cuandu escomencipiaba
mandánonme un día axudar
meter yerba na tenada.

Acepte mui contentín
pensando n’entrar con ella,
pero ella quedóse en carru
y pa dientru foi la vieya.

Baxé del payar sudando
y dempués de convidame,
nun tayuelu al llau de casa
invitánonme a sentame.

Ella sentóse tamién,
pero algo lloñe de min
y dempués de la sudada,
mui claro yá nun lo vi.

Falamos de munches coses,
les más yeren boberíes,
pero na conversación
salienon les romeries.

Igual que soi Manolín,
con un poco cobardía,
invitéla dir conmigo
a un fiestín de romería.

Dixome que sí, que diba,
que la esperara en prau
y allá foi’l probe Lolín
col meyor traxe mangáu.

Dempués de tomar un vasu
y comprar un puru habanu
cansé dar vueltes pel prau
y el resultáu foi vanu.

Ente toles qu’ellí taben
la mio moza nun apaecía
y diome por pensar mal,
que daqué-y pasaría.

Sigui pensando con pena
¡tará mala, la probina!
¿o pasaría dalgo en casa?,
igual morrió la pollina.

Cansé de tener idees
y atopé al mio amigu Tino
y fuimos pa la Barraca
a tomar vasos de vino.

Yá tábemos los dos bien
que falta facía una foto
y cuandu me fui dar cuenta,
robárenme la moto.

¡Ai, Manolin!, probetayu,
dixi al veme comu taba,
nin de raza holandesa
nin sudando na tenada.

Al día siguiente llegué
al sitiu de trabayar,
tuvi la media xornada
debaxu d’una figal.

Durmiendo la filoxera,
suañando cola tenada,
cola de raza holandesa
y cola moto robada.

Cuandu l’encargáu me dixo
que yera hora comer,
esperté desmemoriáu
pensando que yera ayer.

Si sigo ansí fracasando,
dígovoslo, y soi sinceru,
antes de mui pocu tiempu
tomo rumbu al estranxeru.

Pos ellí nun me conocen
y anque tea contratiempos
naide sabe más que yo
cuandu tea sufrimientos.

(De Cuentos, cuentiquinos y poemes)




<< Home

Archives

27/04/2003   28/04/2003   30/04/2003   01/05/2003   02/05/2003   28/12/2004   29/12/2004   31/12/2004   01/01/2005   20/10/2005  

This page is powered by Blogger. Isn't yours?